側田今午穿上「聽出耳油」白色tee，為自己一連兩埸《側田My Beautiful Curse演唱會2019》紅館騷拜神。演唱會晚上8時38分開始，薛家燕及曾勵珍都有捧場支持。

側田以《好人》揭開演唱會序幕，他曾透露演唱會概念是倒序回到他人生，演唱會特意在全場暗燈下，讓側田躺在棺材升上半空，再坐起唱歌。四面台並無特別裝置，隱約能見到側田戴長型牛仔帽，並慢慢坐起身。

兩曲過後棺材降下舞台，側田走到台上與4位手持白花的女dancers走到台邊，唱完三首歌後側田離場，有一位樂手以樂器頌砵演奏平和音樂，以示側田復活，之後才讓側田跟14位戴彩色骷髏面具的dancers快歌熱舞。其後舞台中間升起，側田在台邊向後跌，由男dancers接住再抬起，在台邊繞場。

側田又換上大肥佬裝唱《半杯入魂》，以誇張打扮代表晚年坐在家中回憶人生。由於造型實在太誇張，側田只能坐着唱，根本不能動。側田要唱到第8首《Heads Up Phones Down》，側田換上淡金格仔西裝，步入壯年唱歌，唱到《走音》，側田仍未停下傾偈，有別於平日愛跟觀眾傾偈互動，之後他巨型圓型屏幕降落台上，然後他換衫在台中彈出《First Of May》，其間有男觀眾大叫：「你好型啊！」到唱出《愛的習慣》，他穿上深灰冷衫加前後cap帽。

到了唱《感動》，側田以光頭現身，一身印度貴族造型，全場尖叫，唱到《天註定》，他跟斜肩女dancer似步入教堂，瞓在地上，最後互望情深對望，交待了人生的婚姻，之後和女dancer分別，演繹愛情路上離合。到唱出《三十日》，副歌時全場大合唱，觀眾更拿起手機燈，唱完後全場拍掌。

後來間場時屏幕播出側田播出影片，片中有死神側田和凡間側田，內容為側田的愛情觀、人生觀和親情觀，當中他指愛情上曾經受過一次傷，很難再瞓身再去相信一個人。影片完結後，他以黑西裝加圓邊帽造型升上台，唱出《我有今日》，到了唱《幸福止痛》前，側田拎起台上電話筒扮傾，現場大家以為他會傾偈，但他只講出幾句對白便唱，繼續以歌會友。

唱到《愛多一次》的時候，台上方降下棺材，方力申、劉浩龍、小肥、釗鋒@C AllStar、King@C AllStar、RubberBand出場一起手執白花合唱，觀眾見到眾多嘉賓現身，立即尖叫，唱到尾段，眾嘉賓把白花放入棺材，側田走到棺材前，嘉賓便在台中升降台離開，側田繼續唱歌，更企在棺材中唱，側田身上沒有任何安全措施，棺材便上升到半空，大約兩米高，唱完歌後連帶棺材直入台底。再出場時，側田帶着結他自彈自唱，唱到尾段觀眾開始大合唱，側田便停唱只伴奏。

唱完《大雄》後，側田終於開口說話：「好多謝大家陪我呢個上半生，頭先揀《大雄》嚟唱，因為呢首好似今日嘅主題咁，My Beautiful Curse，因為當年《大雄》入咗十大，但係我就搵唔到食，又未正式入行，又開心又唔開心，點解上天畀咗呢個才華我，但係就畀唔到我去搵食，我去咗維園個草地坐喺度喊，但係我今晚好珍惜，因為我今晚可以企喺呢個舞台唱歌畀大家聽，都唔使再去維園個草地，不過我同自己講唔可以喊。」突然大燈打開了，看到全場觀眾後，佢呆了一呆，但也沒有落淚。之後在唱《兩個女人》之前，他說這首歌是送給他媽媽，唱完後大螢幕影着他媽媽，在側田媽媽旁邊有一個女人，不停送上飛吻，看似側田的女友。

在唱完《情永落》後，側田說：「今晚我想多謝一個人，咁多年嚟，我都係踩佢，話佢好固執，脾氣好臭，又暴躁。」台下觀眾大叫：「側田！」側田續說：「到咗我43歲我要讚下佢，終於發現自己嘅唔好！」之後唱出《美麗之最》，唱到中段他更有抹眼淚，唱完之後他在升降台離開，全埸叫encore，一分鐘後他再上台鳴謝。

側田encore唱《命硬》前，他說原本打算有段感性說話，因為早個月多番想過為何有人要在網上攻擊他，但幾個月後考慮到演唱會原意，覺得不應該講太多憤怒事，因為並不適合演唱會。

側田又覺得不能令每個人都鍾意自己，即有人在台下大叫「好鍾意你」，側田就回話：「你哋唔好咁啦，搞到我唔記得要講咩，不過我都好鍾意你哋。」他又表示好享受在台上感覺，可以唱到第二朝，以後會繼續做音樂。演唱時走到台邊與歌迷握手，有時又去同樂手擁抱。

最後側田站到台中央，圓形舞台升起唱《Upside Down》，又在曲尾唱出「I am ok now」，全場拍掌，之後他跟所有樂手及舞蹈員上台謝幕。

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多