為了培訓半職及待業婦女成為服務無依長者的生力軍，蘋果日報慈善基金撥款資助香港婦女勞工協會推行「剪出新動向」計劃，教授婦女基本剪髮技巧及長者心理，學成之後到訪老人院為長者義務剪髮，剪出愛心與關懷。

日前，十一名參與計劃的婦女齊集協會位於觀塘的會址，準備上課。各人都對面前用作實習的假髮公仔十分好奇。經導師阿Lam簡單講解後，眾人戰戰兢兢地開始剪髮，雖然「顧客」只是公仔，但各人均顯得十分謹慎。

學員實習態度認真
「阿Sir，唔該你幫我睇吓咁樣得唔得？」、「中間界點樣分㗎？」、「好似你整得好啲喎。」學員們邊實習邊向導師阿Lam發問及互相討論，氣氛熱烈，兩小時的課程轉眼便完，不過大部份學員仍然留下繼續實習，態度認真。
導師阿Lam對於學員們的表現，亦讚不絕口。「其實我都有教展翅課程，教青少年剪髮，不過我覺得中年婦女領悟力絕對唔輸蝕，好多都好聰明，甚至比後生仔更加認真。」

「長者義剪具成功感」
其中一名四十五歲學員黃太，雖然從未受過正統訓練，然而剪髮經驗十分豐富，皆因三名十至十七歲兒子都是她的長期「顧客」。「三個仔嘅頭髮都係我幫佢哋剪嘅，不過一啲都唔專業，所以希望藉住今次上堂，學番正確嘅手勢，同埋都想有機會為公公、婆婆剪頭髮，咁會好有成功感。」黃太說。
至於四十多歲的Christy，本身從事文職工作，每日只需工作半天，故她希望善用餘暇，學習一門技藝，幫助長者之餘，亦可充實自己。「其實我一直都好想學，不過出面學費太貴，我負擔唔起。原來剪頭髮真係幾難，見人剪就好易。」