林敏驄在紅館舉行嘅《今天星閃閃35年時日如飛林敏驄腦交戰作品展演唱會》今日尾場，去到尾聲嘅時候，鄭中基就出場唱《最愛的你》，同觀眾邊握手邊走上台，之後兩個就開始傾偈，笑彈連場。

林=林敏驄 鄭=鄭中基

林：我叫你嚟踩踩個台，唔係踩爛個台。
鄭：好彩噚日冇我，唔係一定賴我。
林：我哋合作所向披靡，咁又做咗特首，我哋林鄭宣佈，正式組班。
鄭：唔好早班啦，好早呀，夜班好無？
林：咁換邊個好？
鄭：換咗鹿鼎記啦，一個有個6字、一個有個鼎字。
林：唔好講呢啲啦，嗱，我哋林鄭搞talk騷，費事唱咁多，講嘢都得啦。
林：你係唯一一個唱自己歌嘅人。
鄭：我出道嗰時你又冚左旗啦。
林：唔係冚旗，嗰啲叫拒載。
講完一輪嘢之後，全場大笑。跟住兩人合唱《深愛著你》唱完之後，佢哋又搞笑喇。
林：好啦，我哋宣佈我哋出年搞個林鄭talk show，可以o依家接受預訂，o依家畀定錢我。
之後鄭中基返後台。
鄭：死啦，我邊度走呀？我最驚四面台架啦。
林：四面台？你咪中間跳落去囉。