江美儀重提離婚情緒崩潰 豹哥關心好友一齊喊
蘋果日報 2021/06/20 19:31
江美儀單立文離婚
江美儀於2018年宣佈和吳君如胞弟吳君祥分手兩年，後被踢爆原來一直瞞婚，二人早於2006年在美國西雅圖秘密註冊，其實是搞離婚。江美儀和林盛斌為無綫J2節目《Mean Talk》做主持，想不到江美儀會被嘉賓之一的「豹哥」單立文整喊，重提當年失婚後一力承擔，情緒崩潰，首度在鏡頭前痛哭。
豹哥捉住江美儀隻手，皺着眉頭講到眼濕濕：「我哋真係好關心你，但又唔敢去騷擾你，驚會觸動你好多情緒，但又驚你頂唔順，我覺得你自己承受好多嘢，唔會同我哋講。我覺得你點解咁傻，孭起咁多嘢呢？同我哋講吖嘛！又唔係唔熟！你知唔知啫？」另一嘉賓滕麗名亦有拍膊安慰。
單立文真情流露的開解，令江美儀十分感動，忍不住落淚，邊講邊喊：「我冇嘢㗎喇而家，我都唔知可以同邊個講吖嘛。有時兩個人相處，去到要離婚，未必係一件事發生咗，可能係一路積累，積累到覺得，我嘅人生係咪應該繼續落去。兩個人傾完之後覺得，可能分開仲好啲，所以最後就分開。其實你哋知時，已經好後，呢件事其實發生咗好耐。」
表面開心唔係真
她直言連經理人都覺得她不懂釋放情緒，她續說：「佢話我唔識release（釋放），樣樣嘢自己去吞晒，唔好見我咁tough（堅強），我都有人蝦，我情願自己就算，其實表面好似好開心，但我唔係真係咁開心。」江美儀直言疫情期間工作量減少，一度胡思亂想，幸最近工作量回升，讓她有個寄託。
節目後，四人接受《東張西望》訪問，豹哥表示做朋友應該要互相扶持，問到是否有計劃「攻陷」江美儀？他認真地說：「我對燈火發誓，我單立文之前冇諗過呢啲嘢。」江美儀笑說：「我知佢冇，因為佢冇咁好戲！」滕麗名加把口：「係呀，佢個腦冇轉得咁快。」緩和憂愁氣氛。
江美儀重提當年離婚要一力承擔，忍不住在鏡頭前崩潰痛哭。（無綫電視截圖）
豹哥捉住江美儀的手關心對方，滕麗名亦拍膊安慰。（無綫電視截圖）
豹哥都講到眼濕濕。（無綫電視截圖）
江美儀崩潰落淚。（無綫電視截圖）
江美儀表示兩個人相處去到要離婚，未必係一件事發生咗，可能係一路積累。（無綫電視截圖）
大家取笑豹哥「冇咁好戲」，全部出自真心。（無綫電視截圖）
江美儀與吳君祥在2016年已離婚。（資料圖片）
江美儀今日亦有貼爸爸年輕時相片，祝父親節快樂。（IG圖片）
-----------------------------