華瀚(587)最近表現大勇,唯高達唱好睇1.42元的報告見光後,噚日再升14.43%至1.11元。Cookie話,1.42元呢個目標價有啲啓示性,有機會上破此價,至於有冇其他好消息跟尾,就唔太清楚。華瀚業績算唔錯,中期賺6147.2萬元,增長21.3%,每股賺0.071元,唔派息。PE只有7.5倍,低於同業的平均15倍水平,是追落後之選。
晨訊(2000)大股東以每股3.49元減持1.15億股,噚日成交已上板,股份復牌後曾升4.7%至3.85元,收3.75元,升2%。黑客話,芬佬接貨後,好大機會繼續將股價推高,不過噚日大市陰晴不定,芬佬有啲窒手窒腳,所以升得唔多。
雅居樂(3382)被大摩垂青,出報告定其目標價8.10元,而且坐言起行入市掃貨,股價應聲彈高12%至6.45元,現價距離大摩目標價尚有26%上升空間。
雅居樂上市約3個月,但現價已較招股價3.30元累升近倍。照計短短3個月,內地的房地產市場變化應該唔係好大,究竟是雅居樂上市時被低估,定係市場過份睇好雅居樂?
阿虎