龔嘉欣今日去到新城電台接受訪問，講番佢之前爆咗好友姚子羚同夜店老闆鄭子邦好甜蜜單料，龔嘉欣話之後就俾姚子羚鬧，仲要佢講返清楚成件事。

咁呢排姚子羚係咪成日唔返屋企呀？龔嘉欣笑住話：「唔係，我哋仲係一齊住，唔係同個男仔一齊住㗎！」不過佢又再爆姚子羚好事近：「結婚係開心事，咁我捱貴租啦！」但係講到佢自己嘅感情，龔嘉欣即刻話冇人追。