曾奪金馬影后的70年代音樂才女陳秋霞，與分別是80年代及90年代的歌后林志美和彭羚，近日為慶祝母校民生書院90周年校慶而首度攜手合作灌錄新歌《光與生命》。雖然退出江湖多年的彭羚，2012年曾為填詞人黃偉文（Wyman）紅館作品展唱過兩場，但10多年來一直未有灌錄新歌，今次出山，可謂畀足面母校。
陳秋霞今次還兼任作曲，前日她專程由大馬返港跟彭羚和林志美錄音，對於三代歌后首度合作，秋霞感到興奮，她昨日重返民生母校時說：「第一次同彭羚、林志美合作，兩位師妹雖然隔得都幾遠（畢業年份），但一拍即合，因為我哋已經有個共識，你唱邊段、用乜嘢聲嚟唱，或者你把聲高啲我哋自己就吓，最緊要個感情完全放到落首歌。」問到久沒出山的彭羚表現如何時，秋霞激讚說：「彭羚好耐冇唱歌啦，我係作曲人吖嘛，我就將最難嗰啲畀晒佢唱，因為佢把聲靚，唔好嘥吖嘛，咁靚把聲！」

舊生王維基贊助經費

民生書院猛人輩出，王維基、林建岳、向華強、指揮家葉詠詩、劉愷威、陳庭威、艾威、甄文達、林嘉欣老公袁劍偉、港台DJ周國豐、張崇基、張崇德及資深製作人蕭潮順等等都是校友。今次校慶歌張崇基、張崇德和羅力威均有份和音，而MV方面則由袁劍偉聯同多位昔日《勁歌金曲》導演執導，資深製作人蕭潮順則擔任90周年慶祝活動行政監製。蕭潮順昨說：「成個project都係由民生校友參與，周國豐會做VO，艾威、甄文達會參與埋MV拍攝，我哋希望搵埋劉愷威同陳庭威參與㖭！至於經費方面，王維基同林建岳都有出錢支持，王維基重借埋佢HKTV啲貴價攝影器材嚟拍，不過佢就唔會現身MV，只係喺另一個母校紀錄片出現。」
採訪：魯吉