有「月巴」之稱嘅朗尼醉駕出事，惹引來社會各界「窮追猛大」，更有機會搞到自己婚姻破裂，佢嘅私生活可以講係一塌糊塗。英國著名運動心理治療師樸比（Steve Pope）就警告「月巴」，勸佢唔好變成另一個加斯居尼。相信好多球迷都知道，加斯居尼毫無疑問係個天才球員，但係佢因為衰酗酒同埋其他紀律問題，最終令職業生涯走下坡。

樸比就「月巴」嘅問題話：「朗尼今次醉駕出事，證明佢嘅生活已經失咗控。而所有迹象都顯示，佢宜家變緊另一個加斯居尼，甚至係比加斯居尼更差嘅佐治貝斯。」樸比仲話「月巴」唔明白事件嘅嚴重性，佢需要控制一下自己嘅生活。

對於事件嘅解決辦法，樸比就話「月巴」好需要身邊人嘅幫助，如妻子、領隊、經理人等。最後樸比又提到佐治貝斯，話佐治貝斯係一個酗酒嘅「人版」，佢已經飲酒飲到整壞左個肝，但做左移植手術之後又繼續飲，最終殺死左自己，「我唔想呢啲事喺朗尼身上發生」。據英國《太陽報》報道，樸比曾為加斯居尼治療酗酒問題。