【晒幸福都要PS？】王力宏全家幅疑似執過阿媽變老婆？
蘋果日報 2013/12/01 06:00
王力宏
王力宏嘅全家幅，一貼出嚟就畀網民懷疑係PS過。(微博圖片)- 網民懷疑呢張圖唔係原相，仲話PS位就係王力宏身邊嘅女子。
- 網民天馬行空，話呢張先係原圖，換言之，即係指王力宏將阿媽變成太太李靚蕾。王力宏方面承認張圖有執過，但唔係執走個人，而係執靚張相中背景而已。
- 王力宏之前同哥倫比亞大學博士生李靚蕾喺美國登記結婚。(微博圖片)
- 感恩節王力宏全家食火雞，但當時未有貼全家福，話係因為時間關係，趕唔切喎。原來係因為影完之後要執相。(微博圖片)
近日王力宏就正式宣佈同哥倫比亞大學博士生李靚蕾喺美國登記結婚，喺前日王力宏一家就食感恩節大餐，仲貼咗一張火雞出爐嘅相，而過咗一日，王力宏就貼咗一張全家幅出嚟，當然會家幅入面有埋王力宏嘅老婆李靚蕾啦。唔少網民見到全家幅，紛紛留言話佢哋好幸福呀!
係有部分嘅網民就對0依張王力宏全家幅作出質疑，話張相係執出嚟，網民提出咗幾個論點:
1.有人猜測係執走咗中間嘅兩個人；
2.有網民發現左邊最後一排戴眼鏡嘅大哥右側嘅陰影好古怪；
3.有網民話，王力宏後面著短袖嘅女仔，有一層詭異嘅灰色PS痕跡
另有網民出仲貼咗一張、唔知喺邊度搵到，但聲稱係「疑似原圖」嘅相出嚟。而呢張「疑似原圖」入面，王力宏側邊嘅唔係李靚蕾，而係王力宏父母，後面嘅牆就係黑色嘅。
有報導話王力宏嘅經紀公司宏聲表示，照片只係執走咗一副不太好睇嘅畫，而唔係執走咗人。此外，宏聲仲話網民嗰張所謂嘅原圖，先至係執出嚟，仲話邊個屋企會有黑色嘅牆喎。
係有部分嘅網民就對0依張王力宏全家幅作出質疑，話張相係執出嚟，網民提出咗幾個論點:
1.有人猜測係執走咗中間嘅兩個人；
2.有網民發現左邊最後一排戴眼鏡嘅大哥右側嘅陰影好古怪；
3.有網民話，王力宏後面著短袖嘅女仔，有一層詭異嘅灰色PS痕跡
另有網民出仲貼咗一張、唔知喺邊度搵到，但聲稱係「疑似原圖」嘅相出嚟。而呢張「疑似原圖」入面，王力宏側邊嘅唔係李靚蕾，而係王力宏父母，後面嘅牆就係黑色嘅。
有報導話王力宏嘅經紀公司宏聲表示，照片只係執走咗一副不太好睇嘅畫，而唔係執走咗人。此外，宏聲仲話網民嗰張所謂嘅原圖，先至係執出嚟，仲話邊個屋企會有黑色嘅牆喎。