【新增相片】

東亞銀行（023）年初慶祝百年誕辰，今晚就輪到主席兼行政總裁李國寶，喺四季舉行八十大壽Party。除了李氏家族成員橕場外，城中政商名流及財金猛人，幾乎傾巢而出紛紛到賀，現任特首林鄭月娥，同埋與寶哥哥份屬好友既前特首煲呔曾曾蔭權都有出席。

華華喺晚宴前夕，問李國寶有甚麼生日願望？佢就一貫紳士作風只係頻頻講多謝，始終牛一心情靚靚，佢同李太好合作企定定比華華影咗張合照。

晚上7時正Party主角就落大堂恭迎特首，可能愈夜中環愈塞車，李國寶喺兩位公子及東亞高層陪同下，企足廿分鐘先等到林鄭，連酒店大堂保安都好體貼，識得閂咗半道玻璃門，以免風大吹親候駕既寶哥哥。

李氏乃本港望族，生日晚宴嘉賓名單粒粒皆星，政界有財爺陳茂波、行會成員兼金管局前總裁任志剛、全國政協常委唐英年、全國政協何柱國；賓架則有滙豐亞太舵手王冬勝、大新金融（440）主席王守業，較少出席公開場合既信報創辦人林行止伉儷都有現身。

年屆八十的李國寶，可能是本港最高齡的上市公司CEO之一，按東亞董事會前年中公布，佢既行政總裁任期再續3年至2021年。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef