當年今日
關於我們

【港島補選】陳太斥政府無呼籲投票 因怕助長民主派

蘋果日報 2018/03/11 12:57

陳方安生

【新增短片】
政務司前司長陳方安生今午到跑馬地票站投票後批評,政府今次是明顯地冷處理整個立法會補選,指記得她當年參加港島區補選時,時任特首曾蔭權都有公開呼籲巿民投票,與今次林鄭和今屆政府官員做法不同,「我一定呼籲巿民踴躍投票,呢個係一個非常關鍵補選,因為自從六位民主派議員被DQ後,民主派失去咗喺立法會否決權,先令保皇黨可以全面修改議事規則,自動放棄監察政府的職能」。陳太又質疑,特區政府如此冷處理補選,「係咪佢哋驚住呼籲多啲人出嚟投票,就會助長民主派呢?我希望巿民用佢哋的智慧、用佢哋的勇氣,大家出嚟投票」。
陳太又指,巿民手中一票就是力量,指明白有巿民對香港目前情況非常無奈,「但我哋千千萬萬唔好放棄,呢一票係非常非常重要,如果我哋想畀特區政府、中聯辦一個清晰訊息,我哋今日就要出嚟投票,我哋特別要表達對中聯辦、北京不斷干預香港事務的不滿,亦都唔希望坐大保皇黨喺立法會,令立法會成為政府的喉舌,我哋更要表達我哋唔要人治、我哋要法治,希望保留我哋的生活方式同價值觀」。
陳太又指,今日投票支持了區諾軒,因為區諾軒是民主派共同推薦人選,在區內工作有多年經驗,政績大家亦有目共睹,「我哋需要一位為香港企出嚟捍衛一國兩制的人」。對於前特首董建華今日投票後稱香港「吵吵鬧鬧」情況應該告一段落,要選出真正為香港做事的人,陳太指,認同董建華稱要選出真正為香港做事的人,「問題係選民要帶眼識人,邊啲人先能真真正正為香港做事呢?係咪保皇黨隨風而擺、亳無原則,屢次只聽命中聯辦的人?係咪要鼓勵中聯辦繼續去插手?我哋係咪甘心情願見到法治變成人治?當然唔係啦,所以選民今日係有機會用手中一票表達佢哋的意見」。
立會補選新聞,《蘋果》一網睇晒
http://bit.ly/appledaily311
empty
陳方安生今午到跑馬地票站投票,已將票投予區諾軒。 (李家皓攝)
empty
李柱銘(右)為區諾軒站台。 (李家皓攝)