當年今日

發得起咪用過期依士

蘋果日報 2011/02/03 00:00


新正頭唔少朋友嚟拜年,諗住騷哥利整啲奶黃包、壽包等招呼大家,點知今勻啲包表面凹凸不平,仲好似發極唔起,搞到奶奶皺晒眉頭,猛話大吉利是!幾經思量,終於俾我發現係依士(即酵母粉)累事,皆因盒依士開咗成年無用過,仲邊識發!聽包點師傅講,一般依士開封後只可保存一至兩個月,稍為過期的都可以落多少少份量補數,但放得太耐,依士就不會再產生氣體令麪糰膨脹。另外,發酵過程中,溫度很重要,呢輪天氣凍,影響麪糰發酵,原來酵母的活動能力在和暖的室溫下最活躍,若低於20℃或高於40℃酵母細胞會受到破壞。明白了,要再接再厲!
empty
■今次整嘅壽包,凹凸不平猶如月球表面,難怪奶奶會黑面。