當年今日
關於我們

大熱天時 擔遮都中暑
尊尼仔沙灘尋寶殘過魯賓遜

蘋果日報 2003/07/28 00:00


大熱天時,我羅拉可以坐喺開行冷氣嘅office爆料畀大家知,相比起喺猛烈太陽之下開工嘅打工仔,尤其係喺無遮無掩喺戶外拍戲嘅藝人,真係覺得好幸福。就好似一線尊尼靚仔岡田准一同櫻井翔咁,三十幾度喺沖繩嘅宮古島沙灘曬足一日,你睇佢哋塊面都燶晒、憔悴到滿面鬚,成個魯賓遜咁,fans實傷心死。

眼都睜唔開
查實岡田、櫻井加埋三位演員岡田義德、佐藤隆太同塚本高史,係拍緊電影《木更津Cat'sEye》嘅煞科戲,佢哋面燶燶只係搽炭粉嘅效果,但曬到眼都睜唔開就真嘅。班尊尼仔一唔埋位就擔遮食雪糕,岡田話好彩有遮救咗佢一命喎!
佢哋晨早就開工,拍咗半日淨係喺度周圍跑,死都唔肯話畀人聽劇情講乜。計我話,《木》片入面講岡田係個就嚟死嘅口靚仔,一心同班老死做怪盜,最後反而幫到人。