古天樂、劉偉強、麥浚龍、王祖藍、鄭丹瑞等今日到灣仔影視娛樂博覽出席邵氏兄弟電影發佈會，古仔以香港演藝人協會會長身份致辭，佢話自己由細睇邵氏電影長大，到大個咗可以同對方合作，覺得好榮幸。

至於身為手工藝創作有限公司董事嘅祖藍都有份致辭，佢話聽到啲前輩發言，有好多感受，亦好想為電影業盡力。佢話喺2018年會同唔同平台合作，而佢自己已經喺大陸發展咗一段時間，所以都希望可以推廣更多香港藝人北上發展，佢話可以試到大陸粵語區發展先，又攞自己嚟講笑話：「普通話再好啲，即使係我同蔡少芬嘅程度，都可以去北京試吓。」

精選娛聞，喺晒《娛果》
http://fb.com/appledailyent