當年今日
關於我們

【最新】昨宣佈離婚 張雨綺今日笑晒復工

蘋果日報 2018/09/28 17:07


自認睇男人欠眼光嘅張雨綺,噚日透過經理人楊天真代為發聲明,宣佈同袁巴元協議離婚。
正當網民準備好花生同紙巾(其實都有好多女性網民係撐張雨綺)之際,今日張雨綺若無其事,繼續開工,出席騰訊嘅《心動的信號》最後兩期節目錄製。
一身白色連衣裙嘅張雨綺神采奕奕,不時低頭睇手機,面露微笑,狀態仲好好,一啲都唔似面對家庭巨變。
張雨綺真係好勁!
此外,今日網上又流傳兩人離婚原因,係同銀錢糾紛有關。消息指聲稱富商嘅袁巴元曾表示上海思南公館間屋係佢自己買,但近期發現間屋其實係租嘅,令張雨綺大怒。不過愛奇藝就搵咗思南公館嘅地產代理,對方表示思南公館嘅別墅本身只可以租,唔可以賣的,張雨綺本來就知道大宅係租嘅。
工作人員又指,張雨琦兩公婆當日係先搬入去,再結婚,婚紗照都係喺思南公館完成。物業處人員仲話袁巴元係一個好爽快嘅人添。