【新增內容及相片】
現年32歲嘅日本混血女星土屋Anna，噚晚(10日)透過Instagram及網誌宣佈已再做媽咪，於本周一即3月6日早產誕下B女，母女平安。

土屋Anna喺去年11月宣佈再度懷孕，為任職白領嘅新歡陀B，更直認將會第三度結婚，日前佢為迎接首個囡囡，喺網上公開兒時照片，噚日更抱住B女晒親子合照，形容囡囡係個可愛天使。

土屋Anna經歷過兩段婚姻，佢04與美籍模特兒新村JOSHUA奉子成婚，同年誕下第一名囝囝，但婚姻只維持咗兩年，08年JOSHUA更因為心臟病去世。土屋跟住喺09年同第二任丈夫、造型師菊池大和結婚，10年誕下第二名兒子，直至上年初離婚收場。

據日本傳媒今日報道，原來土屋已在今年秘密再婚，跟呢位圈外人拉埋天窗，係第三次做媽咪嘅土屋第三度嫁人。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。