43歲嘅Robbie Williams早前接受雜誌專訪，表示做歌手呢份工會整死佢，而噚日佢就突然宣佈取消餘下巡唱，相信係同抑鬱症有關。

噚日佢就突然宣佈，將歐洲餘下嘅個唱通通取消，原因係「神秘嘅病症」，取消嘅演唱會地點包括俄羅斯聖彼得堡、莫斯科同索契。過去呢個夏天，已經有超過100萬觀眾入場睇佢呢個巡唱，不過早前佢就透露自己被抑鬱症困擾：「（抑鬱）影響到我嘅家人，如果我唔紅，仲會唔會受抑鬱影響？我唔知。但我覺得一定唔會好似而家咁嚴重。」相信都同情緒病有關。