跟住呢，就輪到訪問環節。

講緊嘅係小巨肺Celine妹妹(譚芷昀)同埋佢爸爸譚順生。

大家都好關心呢位9歲嘅小朋友有冇因為比賽同練歌影響學業啦，所以一埋位就問妹妹：「你返番學未呀？」Celine答：「係呀，返番學0架喇！」參加《全美一叮》揚威國際喎，咁啲同學仔有冇特別表示或者眼光？Celine話：「開心，佢哋恭喜我囉！」

再問Celine之後會否再去參加比賽呢？佢話：「其實……我想同朋友一齊多啲。以前冇乜時間同啲朋友一齊返學，依家想返下學先。」咦……即係……拿，唔好諗多咗，譚順生栽培個女參加比賽成材之路，係會走落去嘅。

Celine話：「過多幾個月可能再參加，我自己都好鍾意參加比賽。」

之前拍片以普通話同廣東話以高八度語氣話「我好開心」嘅Celine妹妹，今日仲真人演繹嗰種開心。傳媒問佢入唔到《全美一叮》總決賽有冇唔開心？佢話：「我好開心！有呢個experience，識到好多朋友，而且同啲參賽者一齊都好開心！」

咦，點解譚順生一直唔講嘢嘅？

就係等呢個moment。詳見另文。