近年最成功華將何澤堯，今季可謂大豐收。

他除成為首位單季獎金破億元的本地騎師外，今晚（3日）還於谷草戰至第五場便憑「飛雲騅」一放到底，個人全晚暫時起孖，兼以57場頭馬打破上季56Win個人單季最佳成績，可喜可賀。

五歲澳洲自購新馬「飛雲騅」（方嘉柏馬房），上仗在莫雷拉胯下輕勝谷草1650米，今仗再跑四班同程卻換上何澤堯執韁，埋門着啡格得手，單Win及組合獨贏A2分別派55及23元。

「飛雲騅」今季三勝谷草一哩，可謂此程專家，本身轉至方廐後季內三捷全於谷夜四班一哩發生。

隨着本身今場贏馬後將被加至60分以上，「飛雲騅」下仗須升上第三班作賽，且看能否再下一城。

莫雷拉現時正與潘頓爭逐冠軍騎師寶座，今仗他改策蘇偉賢馬房「鐵胆威龍」無功而還，白白損失一場頭馬。

至於何澤堯同晚另贏第二場「英明勇將」，自製一口11檔孖寶，季內亦增至有第57Win，正式改寫個人單季最佳成績。

何澤堯篤定季終蟬聯告東尼獎，本身在季內餘下時間每贏一場，都會刷新一次職業生涯單季最佳賽績。

第五場二至四名依次為「幸運飛彈」、「追風驥足」及「贏科超影」。

--------------------------
【馬上看經典】平民終究不敵貴族！遮打盃經典劇情幾近重演
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播　健身壹App過！
一按即玩