早於1961年創立的東方表行，曾經代理名錶品牌多達近100個，如勞力士、帝舵、伯爵、江詩丹頓、浪琴及歐米茄等等，東方表行集團執行董事林慶麟指出，勞力士為例，「香港人鍾意買運動型，國內人鍾意一啲傳統型，簡單嘢；Patek Philippe，國內富二代鍾意多閃石，香港人鍾意冇閃石；國內人鍾意帶黃金錶、紅金錶，唔帶白金錶，但香港人就鍾意帶白金錶，完全反相。」

香港人重視功能性多，國內客則重視外觀性，「喜歡多啲(鑽)石，要夠搶眼，5條街都要見到」。若談保值，二手網上勞力士及Patek Philippe的價格一般較好，普遍會選擇這兩款。他又指，每個年代的潮流都在變，即使現時顧客第一隻手錶仍然想買勞力士、地通拿等品牌，但很可能下一代已經不帶手錶，抑或是轉帶電子錶。他又指，「嚴格來講，（電子錶）唔係一隻錶，佢只係一個電子零件，入面有手錶鬧鐘嘅功用，同時又可以收短訊、講電話，又有時間比你睇咁解！」

他指自己讀書時期的第一隻名錶是OMEGA，因為它是當時最出名的品牌，「1979年OMEGA登陸月球，嗰時太空人坐阿波羅13號登陸月球，佢就係帶住隻OMEGA登陸月球，你話幾巴閉！」其後勞力士、金銀潤等等，開始受人追捧，但現時已經很少人會帶。所以說，不同年代，流行的腕錶都不一樣。

記者 黃朗鈞