由《蘋果動新聞》舉辦嘅第一屆《最港電影大獎》頒獎典禮，今日非常榮幸請來吳君如同杜Sir杜琪峯頒獎，君如頒完三獎，之後輪到杜Sir頒發另外三個大獎，分別係「最港男演員」、「最港導演」同「最港電影」。

杜sir上台，司儀問他對「最港電影」有何感受？佢就話：「嚟得太遲喇，咁多人鍾意香港電影！」

「最港男演員」得主係：《拆彈專家》劉德華

恭喜晒華仔！

華仔上台接過獎座，然後同杜Sir擁抱，再講得獎感言：「我頭先諗一諗，君如都話自己拍咗30年，我哋電影加電視總共做咗36年，所有青春都喺晒度。我唔係講㗎！我真係做㗎，未來日子香港電影有咩用得著嘅，隨時搵我。」致敬！

場地：香港東隅