陳志雲與王喜在演唱會中自爆早前因有朋友確疹要做深喉測試,王喜說:「我哋有個朋友係確診咗入ICU,𠵱家出返嚟。陳生係喺防疫中心未接觸前,已主動point out所有有接觸過嘅人,畀埋錢book埋車叫大家去驗。驗完嗰24小時,佢仲問你有冇唔舒服,佢為呢件事好焦慮,焦慮到瞓唔到覺。我有佢呢個好兄弟不枉此生,係我人生最大福報。」陳志雲在直播途中表示:「我唔知特首有冇睇,但係我收到個訊息,陳帆有睇,莫乃光都有睇,差個蔣麗芸,所以我哋channel個光譜好闊。」
演唱會接近尾聲時,陳志雲為患者及醫護打氣:「為咗守護香港人,部份醫護人員用工業行動作為手段,我知道雖然有人未必同意呢個手段,但係冇人可以質疑,封關的確係一個必須採取嘅手段。大家放低歧見、既往不咎、求同存異,搵返大家熟悉嘅香港,令大家唔需求諗幾時要移民。」
撰文:寶妮