22歲青春女星有村架純憑日劇《海女》火速彈起，最近更升呢做富士電視台嘅「月九」重頭劇女主角，由佢拍住男星高良健吾喺下月開播嘅《何時想起這段戀愛也會哭》中合演情侶，正當前途一片光明，佢嘅親生家姐新井優子，就以水着偶像身份發展，仲靠妹妹名氣越來越多工作埋身，可惜新井優子衰在其貌不揚，近期性感程度似乎更變本加厲，當妹妹上位後昔肉如金，家姐就十足脫星一樣推出大膽水着DVD，日前更於東京舉行為毒男而設嘅攝影會，新井優子僅穿比堅尼大擺誘人甫士，被指Cheap爆形象隨時拖垮有村架純嘅事業。

正所謂樹大招風，有村架純唔止受脫星家姐困擾，佢最近又被AV商睇中，將佢套大熱電影《奇蹟補習社》炮製成AV版，由AV女優濱崎真緒扮成有村喺片中之造型，以鹹版上架，內容講咩？咪就係將勵志嘅補習社情節改成愛情動作場面囉！