市民因避疫禁足在家，沉悶下透過手機App與素未謀面的人賭博，除會違反《賭博條例》，更有機會因玩家走數、遭騙按金而得不償失。「驚又係假，唔敢再入啦。」主婦張女士每周最少1次，會約朋友到酒樓打牌，惟4月開始麻雀館及酒樓因限聚令而關閉，為過手癮，她經朋友介紹下，轉戰網上打牌賭博，最後卻未打牌，先受騙，遭自稱主持的騙徒騙去500元。

張一周前從facebook看到招攬雀友的帖文，認為手機App賭錢不涉法例，「因為講明個程式係上咗架㗎嘛。」於是聯絡帖主獲取聲稱為客戶服務的電話號碼，再付按金，「佢話入咗500蚊之後呢，你玩一鋪，覺得唔啱玩，可以即刻走，攞返錢。」當時她認為可進可退，便即付費，「跟住佢話要等佢批，佢一路都好快覆我嘅，但係等佢批之後，就成個幾鐘都冇覆過我。」

客服突然失蹤，張女士深感不忿，自行在網上起底，才知有人假冒客服騙錢，「（真正）客服電話，同facebook嗰個人畀我嗰個係唔一樣。」張女士聯絡上真正的客服，對方回覆指無法提供協助，須再付788元才能加入牌局，惟張女士因已受騙而不敢再付款。

從facebook群組「娛樂麻雀區」，可輕易發現大量「追數」帖文，由玩家走數到主持收取按金後失蹤都有，涉款由數十元至數千元不等。

另有玩家阿傑承認，疫情前已參與用現金兌換分數的線上麻雀遊戲，又指賭注很小，「每次（輸贏）最多都係百零二百蚊，唔係好多。」故不擔心會受騙。

記者其後致電其中一個手機App的客戶服務熱線，自稱為遊戲開發商的何先生，最初稱不清楚牌局事宜，後來表示如有人受騙，可與玩家一同報警。