葵青區屋邨爆出食水有異味後，民記立法會議員陳恒鑌（Ben）除咗鬧水務署至今未清楚交代事件，仲去信立法會主席，希望喺今日立法會大會，就食水異味事件提出急切口頭質詢，點知要求遭立法會主席梁君彥ban咗，回覆佢話唔准提出。

問到立法會主席梁君彥用乜理由否決佢急切口頭質詢要求時，陳恒鑌話，主席指急切質詢內容，要同公眾利益有重大關係，佢對此都慨嘆：「飲水係人都要飲，我認為係重大關係囉」，又話：「飲水都唔夠急切，我都有啲失望」，但由於主席裁決無得辯論，所以佢話唯有喺其他場合繼續跟進事件喎。