【子健蘋馬】弱馬頂得住辣操 落到五班有運行
盈多福子健蘋馬
周末(8日)第二場五班1200米,「盈多福」三月後回復正常出賽頻率,近數仗表現越來越像樣,縱使上仗賽後被驗出氣管多血,但隔日已復課,說明問題唔大。
沈集成無夾硬來,讓其休息到夠,做近兩周慢工夫,才恢復快跳,上月尾再試泥地大閘,當日落大雨,場地又濕又爛,練者唔怕,照讓「盈多福」試,去到中段,受到場地狀況太差影響,一度亂步失平衡。
史卓豐亦都嚇一嚇,莫說是爛泥,縱在正常狀況,人唔放棄,馬多數會更怕唔想跑,「盈多福」竟然無,轉正直路更自己發力,沿欄再追前,追過外側同試馬,唔在乎未能逼近一放到底的「萬事叻」,倒在乎失平衡後,有無重拾走勢,以及試完頂唔頂得住!
喜見「盈多福」頂得住,無缺課,剛周三(5日)還有做最後試跑,連最擔心狀況都無出現,這次四落五班,對手面目全非,全場只有「銀城福星」季內贏過田草同程,由此可見,對手與近仗「天地人」、「小威人」等,根本無得比,只要唔失準,莫說入三甲,贏都可以!
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX