青衣長康邨各座的污水渠接連大廈外排污渠的轉彎位過短，容易引致渠塞，房屋署曾加大水管，但淤塞情況持續，有住戶多年來備受污水倒流問題困擾，但房署只將責任推卸，是居民「冇公德」所致。

公屋戶譚先生不滿房屋署多年來未有徹底解決其單位污水倒流問題。「住咗七年，間屋浸咗七次，次次都浸到全屋污糟，但房署始終冇解決到，咁嘅屋點可以住落去？」

全屋被污水所浸
譚先生居於青衣長康邨康豐樓二樓，自三年前開始，洗手間坐廁便多次因污水倒流湧出污水，將其單位淹浸，至今已有七次，每次發生事故時，房署雖有派員處理及調查，但答案只得一個：「樓上啲人冇公德心，丟啲雜物落嚟，整塞條喉。」通渠後便不了了之。
「淨係將責任推落居民度，又唔諗辦法解決。」譚先生不忿說，過去屋邨由房屋署管理時，他已多次因單位被淹浸作出投訴，但「一直冇做嘢」，至今年開始，屋邨外判管理後，便順理成章將「個波交畀管理公司」。
去年除夕，全屋又被污水所浸，令客廳家具浸至損毀，噩夢尚未過去，日前又再重現，「咁嘅屋點可以住落去？」
房屋署發言人表示，根據紀錄，譚先生的單位於今年一月底及三月曾發生污水倒流，「之前冇紀錄，可能係太細單，或者戶主自己整好，所以未有紀錄。」發言人續稱，該署發現引致譚先生單位出現污水倒流，是因為去水喉內有許多雜物，諸如豉油碟、毛巾等，疑是樓上單位住戶缺乏公德，丟下雜物所致，該署已就有關問題加強宣傳，張貼告示，提高居民意識。同時與工程部研究加設喉管疏導污水的可行性，並研究解決辦法。
不過青衣區區議員丁衍華指斥，房署只將責任推卸在居民公德上，「即使有居民冇公德，房署都有責任做啲嘢解決。」