31歲華將湯智傑呢日於第五場四班1400米，憑蘇偉賢旗下上仗跑第14名包尾的「天長地久」，今仗由蟲變龍，爆出62倍大冷門開齋，成為今季最後打開勝門的騎師，亞、季軍是「連利之星」及「神州魅力」。蘇偉賢說：「『天長地久』上季冇贏，我感謝馬主丁永章給予耐性，此馬的健康良好，今季轉趨成熟，表現隨即踏上正軌。上季湯智傑已多次為『天長地久』主轡，人馬合拍，傑仔花了不少心機去操這匹馬，今仗憑此馬開齋，我也替他高興。『天長地久』其實都算好運，主要對手『由心出發』退出，加上步速甚慢，有利發揮，此駒以1400至1600米最合。」
今場湯智傑搭鄭雨滇開出303倍巨冷Q，三T一嚟料即爆鑊甘，過關纜斷得七七八八，「天長地久」上次由薛寶力跑同程同班包尾而回輸16.5馬位，今仗卻貼欄一放到底，神奇地由包尾變第一。蘇偉賢繼早前以「龍騰虎震」關照李富贏谷草開齋後，今日再以「天地長久」造就湯智傑贏田草開糊，堪稱圈中一大義氣仔女。