【好有心思】袁詠儀「24對」生日有囝囝陪瞓 老公送藝術品做驚喜禮物

蘋果日報 2019/09/06 17:31

蔡一智袁詠儀張玉珊
    袁詠儀、蔡一智、蘇永康等今日在油塘參與張玉珊舉辦的活動，與長者提早慶祝中秋節。前日是袁詠儀的生日，她笑指自己歲數是24對，她與老公張智霖（Chilam）一齊飛去日本慶祝，還成功競投了一件藝術品。她說：「我哋唔識日文，好彩有顯示港幣，我係咁撞老公叫佢嗌價，佢就好似儍佬咁負責舉手，最終用咗幾萬蚊投到一件藝術品。」而Chilam更送上驚喜，再購買了該設計師另一件藝術品做禮物。至於12歲的兒子Morton（魔童）則主動要求一起睡覺，她說：「佢返學前同我講咗生日快樂，佢本身個人好隨意，講一句好夠喇。」
    蔡一智透露日前已跟袁詠儀食飯慶祝生日，笑言朋友間送什麼禮物都不重要，最重要枕邊人有心思，他說：「最緊要枕邊人買到啱嘅包包，今年Chilam送嘅仲係超乎靚靚想像。」張智霖如此有心思，蔡一智自言也有壓力，即場做出心型手勢，笑言會送個心給自己太太。另外，蔡一傑將舉行個人音樂會，蔡一智稱這是弟弟個人願望，不會多加意見：「佢嘅歌迷一定要買多啲飛支持，我哋當然會去捧場，但唔會上台，如果唔係就變咗草蜢，唔會喧賓奪主。」
    採訪：王連連
    攝影：林賓尼
    -----------------------------
    【撐學生】
    召集有心人 撐學生全年睇《蘋果》
    立即按此
    empty
    （攝影：林賓尼）
    empty
    蔡一智日前已跟袁詠儀食飯慶祝生日。
    empty
    袁詠儀透露兒子魔童主動要求一起睡覺，並在返學前講句：「生日快樂！」
    empty
    張智霖如此有心思，蔡一智自言亦有壓力，會對太太更好。
    empty
    蔡一傑將舉行個人音樂會，蔡一智表示不會多加意見。