韓國神劇《太陽的後裔》嘅宋仲基同宋慧喬今年10月31號舉行世紀婚禮，噚日雙宋婚後首合體現身公開場合，力撐IU喺首爾嘅演唱會。

而雙宋合體都令現場觀眾都好驚喜，觀眾除咗欣賞舞台上IU表演外，亦有留意雙手嘅舉動。當中IU同全場大合唱時，將咪舉向觀眾席，大會鏡頭就拍攝台下觀眾，可以看到雙宋坐在一起，細心聆聽IU同觀眾嘅歌聲。

與雙宋到場一齊欣賞演唱會還有女星朴率美，朴率美同喬妹曾合作韓劇《All In真愛賭注》，估計二人因而成為好友。而據現場目擊者表示雙宋原先以為演唱會已結束，打算起身走人，後面嘅觀眾就提醒佢哋仲未完騷，佢哋都表現得好愕然，跟住就乖乖再坐下繼續欣賞演唱會。其間IU從觀眾席邊行出來邊唱歌，喬妹見狀大感興奮，仲即時掩住嘴笑，好鬼可愛。

另外，喬妹更新Instagram，上載噚日嘅舞台相，仲畀咗個豎起大拇指嘅emoji，可見佢對噚晚個騷好滿意。

更多韓流，喺晒《娛果》
http://fb.com/appledailyent