巴黎聖日耳門（PSG）前鋒基利安麥巴比禮拜三啱啱19歲生日，壽星仔呢日喺法甲周中快車都有好表現，入一粒再加一個助攻，幫PSG主場贏卡昂3:1，繼續坐穩榜首位置。

主隊今場喺21分鐘先開紀錄，基利安麥巴比喺右路發難爆落底線出波，喺門前接應嘅卡雲尼勁瀟灑咁後腳射入，PSG半場領先1:0。巴黎聖日耳門換邊後喺57分鐘再有入波。盧施素喺大禁區邊緣左路傳中，12碼點嘅基利安麥巴比竟然完全無人看管，俾佢輕鬆第一時間撞射成2:0。PSG之後喺81分鐘再由尤利貝治捷喺禁區裡面左腳勁射破網贏到三球。雖然卡昂喺完場前靠前鋒艾雲辛天尼射入12碼破蛋，但巴黎聖日耳門最後都贏3:1。

同日其他賽事，喺聯賽榜排第2至第5位嘅球隊摩納哥、里昂、馬賽同埋南特都贏波，PSG維持領先摩納哥九分。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM