粉絲們向來都對藝人嘅感情生活都極之關注，好似近日韓團少女時代成員相繼公開戀情，就引嚟討論喇。其實韓星近年對「公開戀情」都漸趨明朗化，不過歷年來，公開戀情嘅韓星們，有部分人氣急插水之外，戀情亦捱得唔長。少時們今次可唔可以打破厄運，就真係要睇下佢哋造化。


１.李敏鎬　ｘ　朴敏英

因合作劇集《城市獵人》而撻著嘅李敏鎬同朴敏英完成劇集之後偷偷去撐枱腳，令戀情曝光。初期大家都睇好佢哋，點知李敏鎬工作不斷，佢嘅粉絲又不停惡罵朴敏英，最後佢哋就以「見唔到面」為理由結束維持6個月戀情。


２.L@INFINITEx金度妍

韓團INFINITE嘅成員L喺上年被揭發同「巧克力女」金度妍行超市，而女方又喺Twitter偷偷告白，令戀情浮面。L其後透過公司承認戀情，但同時亦公開「己分手」，戀情只係維持咗4個月。金度妍之後更不停被L粉絲數臭兼揭發整容，而L嘅人氣亦急插水。


３.龍俊亨@Beastx具荷拉@Kara　　　
韓團Beast嘅龍俊亨同女團Kara嘅具荷拉喺2011年6月被影到以情侶裝拍拖，戀情曝光。可惜雙方粉絲一直唔睇好戀情，有網友仲話佢哋係為博關注先互相利用。直到2012年3月27日兩人宣布分手，人氣亦大受影響。


4.玄彬x宋慧喬
玄彬同宋慧喬呢對被視為「天作之合」嘅過氣情侶，喺2009年8月承認因合演《他們生活的世界》而撻著。期間雖多次傳出兩人感情起波動，但雙方都出面澄清。可惜玄彬喺入伍當日突然公開其實在2011年初已經同宋慧喬和平分手，搞到粉絲勁Sad。


5.金鐘鉉@SHINeex申世京
韓團SHINee嘅金鐘鉉喺2010年10月被影到同「理想型」申世京親密同遊公園，佢仲幫女方拎手袋，繼而公開戀情。對於當時人氣高企嘅鐘鉉突然公開戀情，粉絲們極之激動，仲相繼退出SHINee嘅官方Fansclub。雖然二人愛得甜蜜，但最後不敵工作壓力，結束8個月戀情。