阿叻陳百祥講開「想圍住架機做王」嗰個，指其為人民捧出來的英雄，當小心處理自己嘅「運」，阿叻續道:「佢個人，聰明到不得了，你睇佢同大家員工一齊出嚟過夜(政總)、示威未？你就知佢係一個非常聰明嘅人囉。一個聰明嘅人，都需要有運嘅。呢個世界，難聽啲，我都唔知點講。總之民不與官爭，最緊要有運。」講完一輪，阿叻再重申:「我唔係講佢，我係講『當你想圍住架電視機想做王嗰陣』，你就要有運。邵生(邵逸夫)咪有運囉，呢個TVB，想做第二都唔得，淨係想炒我咋，幾廿年都炒唔到，你話幾慘。」記者即謂邵逸夫一退下來無綫即成眾矢之的，阿叻笑道:「所以咪話有運囉!」

阿叻仲話：「呢個世界，如果怕人熄機，咁就唔好做人啦；我哋怕人杯葛，我哋都冇今日啦。都唔知幾多網民唔滿意我，因為我都唔睇網嘅，所以我唔知！你睇譚詠麟，唔唱佢哋啲經典名曲，人哋就熄機喇。呢個世界，睇嚟睇去無論肥瘦都係買飛睇譚詠麟0架。」