「講咗幾年話會整好條路，但到𠵱家都無晒下文，唔通真係要再發生意外、再浸死人先至有反應？！」提及五年前於上址發生的私家車墮橋意外，村民陳先生猶有餘悸。被指安全設施不足的橋面，位於西貢沙角尾北村新區的入村通道，村民指多年前已向政府反映、爭取擴闊橋面及加建圍欄，惟一直未見有部門作出行動。
村民陳先生不滿道，沙角尾北村並非位於大馬路旁，居民需經過一條二十多呎長的橋面才能進入村內，村民均依靠私家車或的士內進，惟這道唯一通道只有約五呎闊、且沒有欄杆；橋面下則是一條約有十呎高河道；居民表示，每逢下雨，河道定必淤塞，水位高漲、有時更浸過橋面。

連人帶車跌入河
「都五、六年前喇，有人揸車行經呢條橋面，呢度又無欄杆阻隔，可能落雨水浸睇唔清楚，行行吓連人帶車由橋面跌落去，最後重浸死埋；真係好可怕！」陳先生稱，當時居民已不斷要求政府將有關橋面擴闊及加設欄杆，惟一直「只聞樓梯響」。
記者曾駕車駛經上址，雖然當日並沒下雨，惟橋下始終是一道約十呎的河道，橋面甚為狹窄，記者亦需相當小心始能駛畢路程。
「好多的士都唔敢入嚟、嫌太危險；其實當年政府都曾將河道兩邊牆鞏固過，條河無咁易俾跌落嚟嘅沙石阻塞去水；但始終治標唔治本，大雨起嚟都照浸。條路咁窄又無欄杆，就算對行人都危險啦！」陳先生盼有關部門可盡快落實處理。