【辣版】Fiat 500X Sport 火紅色強化操控
蘋果日報 2019/09/16 00:03
香港SportFiat 500X高性能
特別版配紅色塗裝，睇見都熱血啲囉。
正所謂紅色快三倍，不過這部Fiat 500X Sport除了有Red Seduction紅色車身顏色外，性能雖未快到三倍，但操控性都已經強化。繼Urban、Cross型號，這個最新版本500X Sport聲稱擁有車系中最強引擎，而且換上運動化懸掛系統，車身降低13mm，可選配19吋合金輪圈搭225/40輪胎。
頭冚之下是500X最強引擎，1.3公升渦輪增壓FireFly引擎，不過始終都係車仔風格，最大馬力147hp，配上雙離合器波箱。另外廠方亦表明，轉向也經過重新調校，更精準；前後懸掛亦用上Frequent Selective Damping(FSD)技術，令操控性更佳。而Fiat說這個Sport型號，在加速上會比普通版有8%增強。
除了Red Seduction紅色車身塗裝，還有Titanium grey部件，包括手把、泵把部件、側鏡殼等，後擾流、尾喉、車側裙腳、輪拱亦有所不同，頭燈及霧燈亦會採用LED。車廂內，錶板則會有TFT圖案、鋁金屬波棍頭、Techno-leather平底軚環等設備，亦可以選配Alcantara軚環。
撰文：Michael
編輯：鄒仲安
編輯：鄒仲安
Fiat 500X Sport車廂亦有特別設計。
可惜Fiat現在在香港沒有代理，要買到好難咯。