Jeana(何佩瑜)何同導演翁子光自上年公開戀情之後，大晒恩愛，噚晚十指緊扣拖手仔現身九展搞《星聲夢裡人》首映，Jeana流露出幸福甜笑，同場仲有金燕玲、陳家樂及詩雅等。

金燕玲喺前日公佈亞洲電影節憑《一念無明》入圍最佳女配，繼拎咗金馬獎女配再下一城，金燕玲話今次係第一次提名呢個獎：「自己冇諗過會喺呢個獎項有提名，我都好開心，覺得人生好美好，因為對呢個獎項唔係好認識，唔清楚個評審係點，不過能夠獲得提名，就算攞唔攞獎都唔係咁重要，喺2017年嚟講呢件已經係好開心嘅事係一個好開始。」

佢話自己唔認識同樣角逐提名嘅演員，稍後會拍梁家輝首次執導嘅電影《深夜食堂》電影版喺2月放完假就會開拍。

另外，惠英紅有份演《幸運是我》入圍亞洲電影節最佳女主角提名，喺戲中演佢個仔嘅陳家樂，陳家樂就話：「自己有恭喜阿媽，獲提名影后，知道拍呢套戲係講佢媽咪，有啲唔開心，之前都有啲掛心。」