錢小豪噚晚喺九展出席「香港泰拳理事會第九屆執委就職典禮」，佢表示協會理事會已經成立多年，未來會舉辦更多賽事，讓有潛質嘅拳手可以多一個機會，而佢本人亦有兩間拳館，用作培訓新人。問到仲會唔會落場？小豪哥講笑話：「唔會喇，我就快可以用兩蚊搭地鐵。」

問到囝囝對泰拳有冇興趣？小豪哥話：「細仔比較鍾意賽車，上個星期先同佢喺澳門賽完小型賽車，下星期就陪佢去珠海試新車，當係親子活動。」小豪哥又透露細仔明年夠16歲，夠年齡喺澳洲考機師牌，佢話：「喺澳洲16齡就可以考牌揸單引擎小型飛機，因為地方大所以好普遍，如果佢有興趣我會支持，日後如果做民航機師就真係唔錯啦，但當然要睇佢意願。」

精選娛聞，喺晒《娛果》
http://fb.com/appledailyent