〈怒〉日前德傳媒爆料哈化柏林球員搞𡃁妹（圖），5個現役同埋前度球員涉嫌同一個16歲女學生發生性行為同影埋對方裸照，但就冇開到佢哋個名。捲入呢單德甲性醜聞嘅哈化球員，齊齊否認有做過啲咁嘅事；而哈化總經理比斯亦喺記者會上話：「我哋認為係有人別有用心，想藉呢啲醜聞嚟破壞哈化柏林嘅聲譽。我哋唔會評論球員嘅私人生活，亦唔會再公開講呢件事。我哋希望各位記者朋友會明白。」被問會唔會罰涉案球員停賽，比斯就表示：「我諗我哋已講得好清楚。」哈化教練盧赫基亦話，禮拜六對漢堡場德甲，佢哋唔會有球員因呢件事而被內部處分罰停賽。