韓國人氣組合BIGBANG成員勝利日前因發生交通意外而要留院，更以身體健康為理由多次缺席組合的圍體演出。不過，BIGBANG前晚及昨晚於名古屋舉行日本五大巨蛋舉行的巡迴演唱會首場時，勝利就驚喜現身，跟成員合體演出，令粉絲非常興奮。

難得勝利終於歸隊，BIGBANG成員在舞台上都表現興奮，不時孖住勝利走勻全場同粉絲作近距離接觸之外，又多次挑逗勝利，大晒兄弟情。而休息近兩個月嘅勝利睇落亦非常生猛，不過就好似瘦咗少少。

而BIGBANG今次亦有講嚟師弟團iKON做開場嘉賓，成員B.I.嘅爸爸雖然日前捲入貪污風波，但就未有影響佢嘅演出，仍然贏盡掌聲。

另外，《超人回來了》「國民BB」秋小愛嘅媽媽矢野志保日前接受韓國電視訪問時就話希望同BIGBANG隊長G-DRAGON拍廣告。