喺今個月初被親爸成龍反問記者「誰是房祖名？」嘅房祖名，早前被發現同老竇同枱食飯（新聞連結： https://bit.ly/2U0lcq3 ），繼續低調過生活，日前有網民喺韓國撞見祖名同朋友去當地旅行，當中仲包括同祖名曾一齊涉毒嘅柯震東。

據嗰名網民所講，喺首爾知名夜店Burning Sun見到「房東」，仲形容佢哋兩人當時「（被）一群美女圍着，好開心嘛！」嗰民網民形容着住黑色連帽衛衣嗰個係房祖名，祖名舉杯而盡，之後更與側邊嘅性感女碰杯。

至於喺另一段片中，着到一身黑打扮嘅柯震東，就企喺祖名嘅前方，柯震東疑似扯咗一口煙，並與身邊嘅男女朋友傾得相當投契；祖名同身旁美女邊飲邊傾，玩得好happy咁。

其實「房東」兩人都有更新社交網，其中祖名喺Instagram限時動態度晒佢去夾公仔嘅短片，為咗睇啱位，佢不惜屹起腳踭，仲屢敗屢試，最後當然成功夾到！至於柯震東就po咗自己去食大碗麵，同喺首爾街頭行街嘅短片，另外仲有佢話鞋上扁嘴emoji可以代表其心情，唔知係咪因為復出路受阻，所以仲係扁嘴呢？

精選娛聞，喺晒《娛果》
http://fb.com/appledailyent