當年今日
關於我們
【橫濱夜景變外灘】強國劇又山寨 海報明抄日劇《世界最難的戀愛》
蘋果日報 2017/06/14 08:00
大野智
波瑠
逆襲之星途璀璨
世界最難的戀愛
強國劇《逆襲之星途璀璨》海報明抄日劇《世界最難的戀愛》。
由日本女星波瑠夥拍嵐成員大野智嘅劇集《世界最難的戀愛》去年播出贏得唔錯口碑,帶挈大野智、小池榮子獲頒電視頒獎禮嘅最佳男主角及最佳女配角殊榮,而劇集嘅宣傳海報都十分成功,大野智、波瑠、小池榮子、北村一輝、小瀧望排排坐,後面有橫濱夜景襯托,五人從枱中倒影展現出另一面。
事隔一年,強國亦有樣學樣,本月開播新劇《逆襲之星途璀璨》由泰國男星Push夥拍韓雪、胡兵等演出,呢套劇嘅宣傳海報出街後,被發現竟然同《世界最難的戀愛》嗰款有九成相似,不過橫濱就變成外灘夜景。雖然《逆襲之星途璀璨》都算大製作,更請來台灣男星王大陸及荷李活型男奧蘭多布魯(Orlando Bloom)等客串,可惜海報抄襲已大打折扣,連內地網民都唔幫,仲紛紛喺網上鬧埋一份,有人狠批山寨版「抄也抄不到神髓」、「國產劇還是那坨爛泥扶不上牆」等,直指抄襲也毫無質素可言。
《世界最難的戀愛》由波瑠、大野智、小池榮子合演。
《逆襲之星途璀璨》本月於中國開播。
《逆襲之星途璀璨》由泰國型男Push擔正。
不少內地網民都睇唔過眼留言鬧爆。