澳門博彩業下半年回暖，酒店均積極減價吸客，帶旺個場。分析認為聖誕檔期訂房頗為踴躍，有望帶動客流及賭收，利好中場。但賭收長遠能否重拾增長動力仍取決於貴賓客，新酒店需落力拓闊客源。

交銀國際研究部聯席董事劉雅瀚表示，今年酒店房數供應增加，「暫時睇預訂情況都唔錯，預期對客流和賭收有帶動。」不過，酒店重本推廣，利潤率將會受壓，「唔會輸錢嘅，不過賭收增長可能無預期中咁高」。雖然永利澳門（1128）旗下新酒店永利皇宮加入，但新場開幕後，客量未見明顯上升，「好多去永利皇宮的客都係永利澳門過去」。未來半年，永利皇宮仍需積極擴闊客源。

新鴻基金融財富管理策略師溫傑指，聖誕酒店預訂算熱烈，不過旅客多為中場客，貴賓廳客人始終是關鍵，未來賭收能否持續增長仍是未知之數。另一方面，溫傑表示，酒店大削房價，目的是「平啲吸引人嚟做旺個場」，賭收未必能夠大幅提升。股價方面，他指賭股下半年已累升不少，差不多見頂，再升有難度，對落成新酒店的金沙中國（1928）則看高一線。

記者:卓茗

掌握財經生活資訊，即Like「蘋果ATM」fb專頁啦！
http://fb.com/appledailyatm