騎師冠軍爭持激烈！潘頓上期（5月31日）贏出「競技勇士」（葉楚航馬房）後，領先優勢拉開到四場，但仍未算穩陣，佢同莫雷拉今晚（3日）賽事都騎足九場，睇嚟都會有排鬥。

昨日（2日）天氣唔穩定，接近中午時就落大驟雨，但朝早試十組大閘就天晴悶熱，騎師遇上呢啲情況都會牙痛咁聲。

但試足十組閘嘅潘頓即使大汗叠細汗，都無任何怨言，佢笑笑口話仲可能受惠，因為第八場三班1650米其座騎「發財福星」（何良馬房）只負117磅。

換言之，潘頓策騎「發財福星」便要做造磅上陣。

佢平時體重大約119至120磅，昨日的十組閘就正好為騎者提供充夠嘅運動量，容易啲減輕，當然仲需要配合飲食，以佢嘅作風，通常只會吃蔬果同餅乾。

潘頓要捱餓當然唔太好受，但佢話呢場三班賽嘅對手唔太強，而且「發財福星」上場喺四班賽一放到底，姿態輕鬆。

蹄下敗將「醉醒神」（呂健威馬房）再出都能夠補中，推斷「發財福星」升班都一樣有力連捷。

潘頓繼續為「發財福星」壓陣，仲爭兩場頭馬先至達標「上岸」嘅何良馬房當然開心。

從騎者角度嚟睇，自然唔想「發財福星」變成「寶成智勝」2.0，因自己造唔到磅，而益咗莫雷拉或者其他騎師，為咗衝擊冠軍寶座，惟有忍一忍口！

撰文：林湛穎

--------------------------
【馬上看經典】平民終究不敵貴族！遮打盃經典劇情幾近重演
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播　健身壹App過！
一按即玩