沙田周日（8日）第11場三班草地1200米，「高耀智星」近兩仗都被安排跑谷草，苗禮德點解改變態度，唔幫佢報剛周三（4日）尾場？

係咪想避開強敵「非凡品味」？定想唞多幾日？理由都唔充份。

隔兩日睇，苗禮德剛周三全軍覆沒，無一駒入三甲、無料到、無馬配合。

可唔可以解釋到，點解唔再安排「高耀智星」跑谷草1200米呢？也許你、我會有唔同睇法。

回到現實，「高耀智星」今季跑四場兩冠兩亞全入Q，這仗更是休後第二場，自上仗後，操練無甩漏，做齊應該要跳的課期，狀態硬淨感更足。

今次同場有足夠前領馬，上述形勢對其有好無差，除非臨場馬房又全無手影，若有，一定博佢。

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》