【李八方online】山頂區補選 未投票先打「集郵戰」
錢志健楊哲安李八方山頂補選
楊哲安搵嚟前波士孫明揚合照做生招牌。楊哲安提供照片
參與中西區議會山頂區補選嘅兩名參選人,自由黨楊哲安(Jeremy)同佔中十死士之一嘅「2047香港監察」錢志健,喺投票日前夕打埋「集郵」戰。早排已到過立法會,搵山頂選民、建制派「班長」廖長江影相嘅Jeremy,食過翻尋味,今日搵另一山頂選民、金融服務界議員張華峰合照,佢連早排喺馬會食早餐嘅時間都唔放過,搵埋非山頂選民嘅前波士、即係教育局前局長孫明揚合照,佢話孫公至今好照顧佢,話有乜需要都可以搵佢幫手。
而三名山頂選民嘅自由黨要員,包括田北俊、周梁淑怡同丁午壽,Jeremy已經集晒郵,佢話有有信心稍後可以搵埋棄選嘅另一山頂選民、新民黨主席葉劉淑儀合照喎。
至於代表民主派出戰嘅阿Ed亦唔執輸,搵咗天主教香港教區榮休主教陳日君合照,話陳樞機都有為佢打氣,讚佢捍衛香港核心價值、公義及良知,可以令香港變得更美好。