【家庭結構】
研究香港人口結構的香港中文大學社會學系教授丁國輝指出，本港五、六十年代的家庭，最少生育五、六個小孩，但是隨着近代父母教育水平及避孕意識提高，香港家庭的生育率已跌至全球尾二，最低是澳門。

本港的總生育率由1961年的5.2（平均每名婦女生育5.2個子女），一直下跌到2006年的1.0，「點解唔願生？第一，冇人湊，住屋亦係問題；第二，現代女性多數要返工，唔捨得離開勞動市場；第三，父母教育水平高咗，對小朋友嘅期望亦會高啲，佢哋會花好多心力同金錢為子女安排人生，生一個細路都仲頂得順，生兩個已好勉強，生三個就頂唔順！」他說現時香港人生育重質不重量，令生育率不斷下跌。
丁國輝擔心人口老化將成為深遠的社會問題：「我阿媽生咗我哋六兄弟姊妹，𠵱家佢老咗，我哋輪流照顧佢，我哋壓力冇咁大，佢嘅生活質素亦好啲；輪到我，只係生咗兩個，到我老咗，得兩個人嚟照顧我，佢哋嘅壓力可想而知，而我嘅生活水平亦一定會差咗。」
《蘋果》記者

1971年：4.5
1976年：4.2
1981年：3.9
1986年：3.7
1991年：3.4
1996年：3.3
2001年：3.1
2006年：3.0
2011年：2.9
資料來源：政府統計處