【一齊跪低】馬國明為爆料言論道歉 吳卓羲健身練Hip腳受傷
吳卓羲馬國明
馬國明、吳啟華早前在一個清談節目接受伍詠薇和林盛斌(Bob)訪問,談到有否遇上壞女人的經歷,二人大爆在大陸拍劇時,有女演員主動派房號引誘他們到女方的房間,吳啟華更爆「萬人迷」主動引誘:「可能你哋好少返大陸拍嘢,但大陸好多人都識佢嘅,我唔會鍾意呢啲人,佢畀我唔會騷佢,但我知道係真嘅,真係全組人都知道。」
雖然沒有指名道姓,不過節目播出後,不少網民在猜究竟「萬人迷」是何方神勝?但玻璃心大陸網民卻一面倒批評二人牽連無辜,大罵:「他倆在大陸也就配角,誰會看上你」、「有點名氣的女星誰會看上這兩個十八線」。結果吳啟華今日在微博發文為事件道歉。至於另一涉事人馬國明,今日和黃宗澤、吳卓羲在將軍澳出席宣傳活動時,對於吳啟華「下跪」道歉,馬國明也表示為自己的言論道歉:「希望大家唔好再去估嗰個女明星係邊個喇!」
此外,吳卓羲今日撐枴杖現身,他透露早前健身時不慎受傷:「嗰日健身想練hip(臀部),冇諗到做深蹲時用力過猛,反而整傷咗隻腳,最初嗰幾日除咗睇醫生,都冇落床,因為一郁就好痛。」黃宗澤聞言即表示感同身受:「我好理解,因為之前拍戲整親隻腳時我就係咁。」
-----------------------------