好多練馬師都喜歡親自操馬，好似高伯新、告達理及徐雨石等。其中徐雨石暑假開操以來，差不多日日到場操馬，有兩隻馬更成日自己摸住，就係「清新空氣」及「太陽戰士」，尤其後駒有22課由徐雨石親試近，今朝落雨都親操，獲倉主垂青必有原因。此駒四次角逐1400米獲一冠兩亞一殿，今次吼準開鑼日同程報名，睇操練動態必爭取跨季連捷。