當年今日
關於我們

【憑咩?】講解放軍《紅海行動》代表香港提名角逐奧斯卡最佳外語片

蘋果日報 2018/09/24 19:11

紅海行動奧斯卡林超賢最佳外語片

【新增內容】
一部代表香港嘅電影,起碼演員係香港人、幕後係香港人、出品公司都係香港公司。但係近年唔少香港電影,都被大陸人、大陸嘅元素入侵,咁仲算唔算係香港電影呢?
今日呢個「香港電影製片家協會」公佈咗,以電影《紅海行動》代表香港,提名角逐「第91屆奧斯卡」嘅「最佳外語片」。呢部《紅海行動》憑咩呢?除咗導演林超賢係香港人之外,班演員張譯、海清、黃景瑜、杜江,唔識唔出奇,因為佢哋係大陸演員,而且套戲嘅故仔係講解放軍海軍陸戰隊,關香港咩事呢?
至於呢部《紅海行動》,之前因為明星逃稅事件,引發官方同軍方嘅權鬥角力,有傳官方曾經下達「禁軍令」,限制軍方背景嘅公司及電影,當時呢部宣揚民族主義嘅《紅海行動》曾遭官方內部狠批。(新聞連結︰ https://bit.ly/2N2WTEc)
睇番「香港電影製片家協會」嘅公佈,佢哋話董事局成員,由2017年10月至2018年9月份期間上映之所有香港電影中挑選,從最後入圍嘅七部電影包括《奇門遁甲》、《紅海行動》、《捉妖記2》、《黃金兄弟》、《棟篤特工》、《藍天白雲》同《中英街1號》中,選出《紅海行動》代表香港,無錯係代表香港去參加角逐奧斯卡「最佳外語片」。
香港影業協會主席洪祖星今日接受本報電話訪問,講解入圍美國奧斯卡金像獎嘅資格,佢話:「《紅海行動》嘅攝影、劇本、導演同埋製片人都係香港人,最緊要出品公司係香港資金,所以係合乎資格。洪祖星話奧斯卡以投資公司同製片人嘅國籍做依歸,同金像獎嘅入圍資格好唔同,佢話:「金像獎要主要演員有香港人,奧斯卡主要係睇邊個畀錢同producer。」洪祖星透露係由15名奧斯卡委員,一人一票選出代表香港嘅電影,喺7部入圍電影,《紅》片得票都幾一面倒。
精選娛聞,喺晒《娛果》
http://fb.com/appledailyent
empty
套戲嘅導演係林超賢。
empty
梁雍婷主演《藍天白雲》。
empty
李治廷、周冬雨主演嘅《奇門遁甲》。
empty
黃子華、佘詩曼《棟篤特工》。
empty
古惑仔班底嘅《黃金兄弟》。
empty
游學修、廖子妤嘅《中英街1號》。
empty
梁朝偉主演《捉妖記2》。