特首讚陳太感染力如鵝媽媽
【本報訊】對於昨日宣布不挑戰他連任特首的陳方安生,行政長官曾蔭權公開稱讚她笑容可掬,感染力有如會說童謠的鵝媽媽(MotherGoose)。不過他對陳太近年的批評有微言,並稱二人從來沒有上司與下屬的關係。
曾蔭權在無綫生活台《志雲飯局》節目中回應他與陳太的關係:「好好㗎,我哋兩個好好朋友嚟㗎……我哋好深交,我亦都好明白佢嘅強處喺邊度。」他說,陳太退休後仍保持頻密聯絡:「一年有幾次食飯。」
「佢啲笑容喇,特別係佢對某啲同事嘅感染力喇。好似MotherGoose(鵝媽媽)咁樣,體諒後輩。」曾蔭權所說的鵝媽媽一詞,來自法國作家CharlesPerrault在1697年編寫的童謠《TalesofMyMotherGoose》。
陳太曾公開要求曾蔭權訂立普選時間表,特首對於這位「好友」的意見,似有保留。他表示,二人聚會時盡量不談公事:「特別佢𠵱家對政見嘅執着,同我意見好唔同;佢以批評方式去處理問題,我亦都無謂同佢斟酌𠵱啲嘢。」陳方安生昨在記者會上證實二人少談公事,但原因是「我同佢(曾蔭權)見面通常都係喺公開場合,好似喺酒會咁,咁又點會講公事呢?」
除陳方安生外,曾蔭權在節目中又把民主黨前主席李柱銘與陳太相提並論:「我同李柱銘都有幾十年交情,我有啲方面好尊重佢,但係對佢有啲政見就不敢恭維。」
至於另一位他口中的「好友」──天主教香港教區樞機主教陳日君。他聲稱與陳樞機關係好好:「我好尊重佢老人家,我亦都從來唔敢頂撞佢。我知道佢有啲嘢好執着,但係佢對我都相當唔錯,對於有啲敏感問題,佢都唔會同我好爭持,態度好寬容,好體諒我情況。」他表示尊重陳日君對教義的詮釋,但對於施政方針,則無法每方面都跟他意見去做。
陳日君主教成為特首口中的好友,但曾蔭權表明施政方針無法跟他意見去做。